"فيديو"| من على باب المعرض معايشة وزيارة سريعة لـ Cairo ICT بالجولف كار -

لو قررت تزور معرض كايرو اي سي تي في اخر يومين يبقى لازم تعرف شوية حاجات عن المعرض لان المساحة كبيرة والوقت ضيق وعشان كده هندخل في الموضوع علطول.

اول ما تدخل من باب المعرض في مركز مصر للمعارض الدولية هتلاقي الجولف كار موجودة مجانا عشان توصلك بين الخمس قاعات ال فيهم المعرض السنة ديه

ضروري تاخد جولة بالجولف كار في معرض كايرو اي سي تي عشان تتعرف على مساحات القاعات وبوابات الدخول والخروج وده هيسهل عليك انك توصل لاي مكان في المعرض لحد قاعة 5 ال فيها معرض كونكتا للالعاب الالكترونية.

لو انت مسجل على الانترنت عملية الدخول هتكون سهلة وتقدر تستلم كارت الدخول الخاص بيك وتتحرك بسهولة بين قاعات المعرض ولو مش مسجل هتلاقي رابط التسجيل موجود في وصف الفيديو على اليوتيوب او من خلال “هذا الرابط“.

لكن خلينا ناخد جولة في قاعات معرض كايرو اي سي تي وال بيشارك فيه مئات الشركات العالمية والمحلية عشان يعرضو احدث تكنولوجيا في مجال الذكاء الاصطناعي وشبكات ال 5G ومراكز تخزين البيانات الحوسبة السحابية وغيرها من التطبيقات ال أصبحت موجودة في حياتنا في كل مكان.

كمان الجلسات النقاشية كانت واحدة من المناطق الساخنة في الدورة 28 لمعرض كايرو اي سي تي وال ناقشت موضوعات كتير متعلقة بالتقنيات المعروضة في المعرض زي المدفوعات الإلكترونية وتأمين المعلومات والأمن السيبراني وغيرها كتير من الموضوعات الحيوية والمؤثرة على شخص.

“فيديو”| من على باب المعرض معايشة وزيارة سريعة لـ Cairo ICT بالجولف كار